香港举行婚礼 胡杏儿下月祠堂拜堂成亲香港娱乐八卦

发布日期: 2020-05-29 18:06:44 阅读量:266

X嘉生活

香港举行婚礼 胡杏儿下月祠堂拜堂成亲

童话式婚礼变客家式婚礼,咁大变化!就嚟36岁嘅胡杏儿为咗未来老公Philip Lee(李树华)真係乜都肯制!话晒杏儿同男友拍拖冇耐,已认定对方係结婚对象,去到谈婚论嫁嘅阶段,亦落力mark实笋盘男友Phil,每次讲起男友都流露出甜丝丝嘅样!

杏儿喺无綫做咗16年,早前离巢去内地发展,更以高价签咗畀萧定一发展佢嘅演艺事业,爱情事业两得意,更屡出婚讯,早前有报导爆杏儿喺今年12月28号喺英国行礼,搞200万元童话式婚礼!NO!NO!NO!

香港举行婚礼 胡杏儿下月祠堂拜堂成亲香港娱乐八卦

记者收到消息原来胡杏儿嘅婚礼,唔係喺英国举行,而係喺香港大搞,所以杏儿同Phil嘅好友都唔使烦要度期飞去英国咁远,出席佢哋嘅婚礼喇!由于杏儿工作好忙,婚礼就由Phil全权负责,Phil日前出席何猷君手机app搞嘅酒会,见佢个样有啲残,又爆疮,未知係唔係搞婚礼,压力好大!

点解杏儿突然间由英国变咗香港出嫁,极有可能係因为男友Phil嘅出身背景,据知,喺英国长大嘅Phil原来係沙头角禾坑村民,禾坑村里面都係住咗姓李嘅客家人,盛传因为Phil係屋企长子,必须喺拜祠堂,亦因为Phil係传统客家男孙,婚事亦要入乡随俗,入门前一对新人要喺沙头角新村李氏宗祠入面拜祠堂同祭祖,求祖先庇祐祈求早日开枝散业。

估计杏儿为男友都会跟足传统去做,难怪杏儿讲明想一次过生3个,原来早已为李家添丁作好準备!相信届时嘅场面就好似周润发同郑裕玲套《我爱扭纹柴》沙头角围村类似嘅仪式,好似舞龙舞狮、烧炮仗咁,真係谂起都觉得墟冚,之不过,同之前讲话搞个童话式婚礼,真係好大出入啰!唔知杏儿收唔收货呢?

胡杏儿明生日开订婚派对

对于再传出与男友Philip下月在港举行婚礼,胡杏儿下午回回应说:「多谢大家关心,我讲过有好消息一定同大家讲,这个消息传出来我都有啲突然,总之大家唔好心急啦!」

而明天是杏儿的生日,Philip向来识得凼女朋友,当然会花心思为杏儿搞一个甜蜜的生日派对,Philip明晚会为杏儿搞一个生日兼订婚的惊喜派对,更请来身边不少好友出席,实行要大家见证二人最甜蜜、开心的一面,更会是二人婚礼的预演。

文章标签:胡杏儿

相关文章